ಹಾಡು: ಈ ಬಾಳಗೀತೆಗೆ ಎಂದೂ
ಚಲನಚಿತ್ರ: ಮಹಾತ್ಯಾಗ
ಸಂಗೀತ ನಿರ್ದೇಶಕರು: ರಾಜನ್-ನಾಗೇಂದ್ರ
ಕವಿ: ಆರ್.ಎನ್. ಜಯಗೋಪಾಲ್
ವರ್ಷ: 1974
ಹಾಡುಗಾರರು: ಎಸ್. ಜಾನಕಿ, ರಾಮಕೃಷ್ಣ
ಈ ಬಾಳಗೀತೆಗೆ ಎಂದೂ ಶೃತಿಯಾದೆ ನೀನೂ
ಶೃತಿಯಲ್ಲಿ ನಾದವಾಗೀ ಬೆರೆತುಹೋದೆ ನಾನೂ ||ಪ||
ಸಪ್ತಸ್ವರ ರಾಗದಲ್ಲಿ ಅನುರಾಗ ತಂದೆ
ನನ್ನೆದೆಯ ತಾಳದಲ್ಲಿ ಆವೇಗ ತಂದೆ
ಬದುಕೆಂಬ ಬಾನಿನಲ್ಲಿ ಹೊಂಗಿರಣ ತಂದೆ
ಈ ಪ್ರೇಮದ ಮನದೆ ನೆಲೆಯಾಗಿ ನಿಂದೆ
ಈ ನನ್ನ ಮನ ನಿಂದಾದ ಉಸಿರೊಂದಾದ ಆ ಕ್ಷಣದಂದೆ ||೧||
ಅಂಬಿಗನು ನೀನಾಗಿ ಈ ದೋಣಿ ತೇಲಲಿ
ಆನಂದ ಸಾಗರದ ತೀರವನು ಸೇರಲಿ
ಆಸರೆಯು ನೀನಾಗಿ ಈ ಬಳ್ಳಿ ಬಾಳಲಿ
ನೀನೆರೆದ ಪ್ರೀತಿಯಿಂದ ಭೂತಳೆದು ನಿಲ್ಲಲಿ
ಕೈ ಬಿಡದೆ ನಡೆ ನೀ ಮುಂದು ಜೊತೆ ನಾನೆಂದು ಜೀವನದಲ್ಲಿ
No comments:
Post a Comment